मला जरा सावरू तर दे..

मला जरा सावरू तर दे..
मग लिहीन की कविता..

अजून कुठे रात्र पुरती हरल्ये
अजून कुठे तहान पुरती सरल्ये
अजून एकदा तुला डोळ्यांनी पिऊन घेऊ दे..
मग लिहीन की कविता..

अजून उजाडलेला नाही उद्याचा दिवस
अजून पुरता फिटायचाय बोललेला नवस
अजून एकदा जीव ओवाळून टाकू दे..
मग लिहीन की कविता..

अजून श्वासांत माझ्या तुझे श्वास दरवळतायत
अजून स्पर्शात तुझ्या कोवळी फुलं चुरगळतायत
उद्या श्वासांचे ध्यास उरतील.. स्पर्शांचे नुसतेच भास उरतील..
अजून काही क्षण जगून घेऊ दे..